2018ko azaroaren 23tik abenduaren 3ra bitartean, Euskal Herrian ezezik Ermuan ere Euskaraldia martxan jarriko da eta Artarraitik ere bazkide, kide eta lagun guztiak animatu nahi ditugu ekimen honetan parte hartzeko eta izena emateko.
Ekimen honen bitartez, 11 egunez, Ahobizi/Belarriprest roletariko bat aukeratuta, euskara erabiltzeari ekingo diogu:
- Ahobiziak Euskaraz egingo diezu ulertzen duten guztiei. Edonon, edonoiz eta ulertzen duen edonorekin arituko zara euskaraz.Ezagutzen ez dituzunekin lehen hitza euskaraz egingo duzu, eta ulertzen baldin badute, hortik aurrerakoak ere.eta
- Belarriprest, berriz, Euskaraz dakiten guztiei zuri euskaraz egiteko gonbitea egingo diezu. Euskara ulertzen duzula adieraziko diezu eta zurekin euskaraz hitz egin dezatela eskatu. Zuk euskaraz edo erdaraz erantzungo duzu, baina zuri euskaraz egiteko eskatuko duzu.
No hay comentarios:
Publicar un comentario